Մուտք և կացություն

Հայաստանի քաղաքացիներն իրավունք ունեն ազատորեն մուտք գործել Ռուսաստան ներքին կամ արտասահմանյան անձնագրով: Վիզա և աշխատանքի թույլտվություն ստանալու կարիք չկա: Դա ամրագրված է Ռուսաստանի Դաշնության Կառավարության ու Հայաստանի Հանրապետության Կառավարության միջև առանց մուտքի արտոնագրերի փոխադարձ այցելությունների մասին Համաձայնագրով ու Եվրասիական տնտեսական միության մասին Պայմանագրի 97-րդ հոդվածով, որի անդամ են երկու երկրները:
Ռուսաստանում դուք կարող եք պարտադիր բժշկական ապահովագրման պոլիս ձևակերպել, ստանալ ինքնազբաղվածի կարգավիճակ կամ երկրի ողջ տարածքում աշխատանքի անցնել գրեթե առանց սահմանափակումների:

Եթե դուք նախատեսում եք կես տարվա ընթացքում անընդմեջ 90 օրից ավել գտնվել Ռուսաստանում, ապա անհրաժեշտ է երկարաձգել կացության իրավունքն աշխատանքային պայմանագրի, ուսման պայմանագրի կամ որևէ այլ փաստաթղթի հիման վրա: Եթե պլանավորում եք երկար ժամանակ մնալ ու աշխատել, ապա անհրաժեշտ է միգրացիոն մարմիններին պաշտոնապես տեղեկացնել աշխատելու ձեր մտադրության մասին: Գրանցումը կարելի է առցանց իրականացնել՝ պետական ծառայությունների պորտալի («Գոսուսլուգի») միջոցով կամ անձամբ դիմելով ՆԳՆ բաժին:
30 օրվա ընթացքում անհրաժեշտ է հաշվառվել ըստ բնակության վայրի: Դա նույնպես կարելի է անել «Գոսուսլուգիի» միջոցով:

Մուտքի դիմումը ներկայացվում է օտարերկրյա քաղաքացիների կողմից կենսաչափական գրանցման փորձի շրջանակներում: Բոլոր նրանք, ովքեր դիմել են ruID-ում, սահմանին թվային պրոֆիլ են ձևակերպում, որը ներառում է ԱԱՀԱՀ-ն (Անհատական ​​անձնական հաշվի ապահովագրության համարը - СНИЛС), ու «Գոսուսլուգիի» օգտահաշիվ են ստեղծում: Այնուհետև անհրաժեշտ է ընդամենը մեկ անգամ բանկ այցելել՝ ռուսական սիմ-քարտ գնելու բոլոր ընթացակարգերն ավարտելու համար (հիպերհղում դեպի «Բջջային կապ» բաժին):

Թույլտվությունը ձևակերպվում է 90 օրով. այդ ժամանակաշրջանի ընթացքում դուք կարող եք Ռուսաստան մուտք գործել ցանկացած հարմար տարբերակով: Անհրաժեշտ է դիմել սահմանը հատելուց 72 ժամ առաջ, սակայն արտակարգ դեպքերում բավական է մուտքի մասին տեղեկացնել ընդամենը 4 ժամ առաջ: Շտապ մուտքը հնարավոր է հրատապ բուժման, ծանր հիվանդության կամ մոտ բարեկամի մահվան դեպքում, ու այդ ամենն անհրաժեշտ է հաստատել փաստաթղթերով:

Հավելվածը կօգնի Ռուսաստանի տարածքում օգտվել պետական ծառայություններից ու փաստաթղթեր ձևակերպել:

Հավելվածը բազմալեզու է: Այն հասանելի է տաջիկերեն, ղրղզերեն, հայերեն, ուզբեկերեն, ղազախերեն, անգլերեն, ինչպես նաև ռուսերեն լեզուներով:

Այժմ կարգավորումը գործում է թեսթային ռեժիում: RuID հավելվածի միջոցով Ռուսաստանի Դաշնություն մուտք գործելու դիմումի լրացումը կամավոր է, ինչը նշանակում է, որ դրա բացակայությունը մուտքը մերժելու համար հիմք չի հանդիսանա:

Հավելվածը կարելի է ներբեռնել ու ruID-ի միջոցով մուտքի ձևակերպման կանոնների հետ կարելի է ծանոթանալլ «Գոսուսլուգի»պորտալում:

Թվային նավիգացիա

Քաղաքում կողմնորոշվելու համար տեղադրեք նավիգատոր հավելված (ամենատարածվածները՝ 2ГИС և Яндекс.Карты): Ռուսական հավելվածներում կարելի է ճշտել կազմակերպությունների հասցեներն ու աշխատանքային ժամերը, առավել հարմար երթուղի կազմել, գտնել մոտական հիվանդանոցները, դեղատները, դպրոցներն ու մանկապարտեզները:

2ГИС

Яндекс. Карты

Յանդեքսի էկոհամակարգը նաև օգնում է ուտելիքի ու սննդի առաքում պատվիրել, համերգ, ներկայացում կամ ցուցահանդես ընտրել ու տոմսերն ամրագրել, ցանկացած տեղ տաքսի կանչել:

Сервисы Яндекса

«Գոսուսլուգի»

Ռուսաստանում պետական ծառայությունների թվայնացման ամենաբարձր աստիճաններից է: Ամեն օր ավելի քան 10 միլիոն մարդ օգտագործում է պորտալը վճարումներ ու նպաստներ ձևակերպելու, բժշկի մոտ գրանցվելու, անձնագիր և այլ ծառայություններ ստանալու համար:

«Գոսուսլուգի» պորտալը գործում է կենսական իրավիճակների սկզբունքով: Գրանցումը կարող են անցնել նաև Հայաստանի քաղաքացիները:

Ամեն օր ավելի քան 10
միլիոն մարդ օգտագործում

հավաքագրված են արտասահմանյան քաղաքացիների համար բոլոր ծառայությունները:

Ֆինանսներ

Ոչ ռեզիդենտները ազատորեն կարող են հաշիվներ բացել Ռուսաստանի բանկերում, ավանդներ ձևակերպել, վարկեր ստանալ, օգտագործել բանկային քարտեր ու անգամ հիփոթեք ձևակերպել:

Ռուսաստանում կանխիկ գումարն ավելի ու ավելի քիչ է օգտագործվում: Ավելի արագ ու անտանգ են բանկային քարտով կամ անհպում վճարումների թույլտվությամբ հեռախոսով վճարումները:

Բջջային կապ

Ռուսաստանում բջջային ինտերնետը ապահովում է հարմարավետ կապ, աշխատանք ու ժամանց անգամ տանից կամ գրասենյակից դուրս։ Այսօր արտասահմանցի զբոսաշրջիկներն ու միգրանտները ազատորեն կարող են ռուսական սիմ քարտ ձևակերպել ու գերարագ ինտերնետի միանալ։ Ռուսաստանում բջջային միացումների մինչև 95 տոկոսը կարելի է «լայնաշերտ» համարել, քանի որ դրանք աջակցվում են 3G, 4G և 5G սերնդի ցանցերով։

Բջջային ինտերնետի փաթեթներով Ռուսաստանի հիմնական բջջային օպերատորներն են.

Բիլայն

ՄեգաՖոն

ՄՏՍ

Տելե2

Կապի օպերատորներն առաջարկում են տարբեր սակագներ զանգերի, SMS-ների ու տրաֆիկի գիգաբայթ փաթեթներով: Հաճախ հանդիպում են զբոսաշրջիկների ու միգրանտների համար հատուկ առաջարկներ, որոնք ռոումինիգ ու ինտերնետի շահավետ պայմաններ են ներառում:

2025 թվականի հունվարի 1-ից Ռուսաստանում օտարերկրյա քաղաքացիներին սիմ քարտեր տրամադրելու նոր կանոններ են ներդրվել։

Կապի ծառայությունների մատուցման պայմանագիրը կարող է կնքվել միայն անձամբ՝ կապի սրահում
Պայմանագիր կնքելու համար ձեզ անհրաժեշտ է ԱԱՀԱՀ, «Գոսուսլուգի»-ում հաշիվ և Միասնական կենսաչափական համակարգում գրանցված կենսաչափական տվյալների հիման վրա անձի նույնականացում։

Պայմանագրում նշվում է սարքի՝ 15 նիշից բաղկացած եզակի համարը՝ IMEI: 
Մեկ անձը կարող է իր անունով ձևակերպել 10 սիմ քարտից ոչ ավելի, ներառյալ կորպորատիվ սիմ քարտերը:

Հեռախոսահամարի անանուն վճարումը կանխիկ միջոցներով արգելված է:
Նրանց համար, ովքեր արդեն ունեն սիմ քարտ, մինչև 2025 թվականի հուլիսի 1-ն անհրաժեշտ է կապի սրահում ինքնության հաստատման ընթացակարգ անցնել՝ տրամադրելով ԱԱՀԱՀ-ն, «Գոսուսլուգի» պորտալում օգտահաշիվը, սարքի IMEI-ն ու կենսաչափական տվյալները:

Ռուսաստանում կացության թույլտվությունը (ВНЖ) այլ երկրների քաղաքացիներին թույլ է տալիս օրինական կերպով երկար ժամանակ բնակվել ու գործունեություն ծավալել Ռուսաստանի Դաշնության տարածքում, մի շարք առավելություններ ու հնարավորություններ է ստեղծում։
Կացության թույլտվություն ունեցողները կարող են պաշտոնապես աշխատել ռուսական ընկերություններում ու առանց սահմանափակումների զբաղվել ձեռնարկատիրական գործունեությամբ:

Կացության թույլտվությունն օտարերկրյա քաղաքացիներին թույլ է տալիս ռեզիդենտների հետ հավասարապես օգտվել պետական ուսումնական հաստատությունների ու բժշկական կազմակերպությունների ծառայություններից, ազատորեն ձեռք բերել անշարժ գույք ու այն սեփական անունով գրանցել, թոշակ ու սոցիալական վճարներ ստանալ, ճանապարհորդել Ռուսաստանում: Կացության թույլտվությունը նաև պարզեցնում է ընտանիքի անդամների՝ Ռուսաստան տեղափոխվելու գործընթացը, հեշտացնելով ընտանիքի վերամիավորման ընթացակարգը: Կացության թույլտվությունը հուսալի հիմք է Ռուսաստանում գտնվելու ու զարգանալու համար:

Կացության թույլտվություն → Ռուսաստանի քաղաքացիություն.շնորհիվ երկրների միջև երկկողմ համաձայնագրերի՝ Հայաստանի Հանրապետության քաղաքացիները Ռուսաստանի քաղաքացիություն ստանալու պարզեցված կարգ ունեն: Սակայն քաղաքացիության համար փաստաթղթեր ներկայացնելուց առաջ անհրաժեշտ է ձևակերպել կացության թույլտվություն:

Քանի որ Հայաստանի Հանրապետությունը Եվրասիական տնտեսական միության (ԵԱՏՄ) անդամ է, Հայաստանի քաղաքացիները կացության թույլտվություն ձևակերպելիս օգտվում են մի շարք արտոնություններից.

Եկամուտների հաստատման պարզեցված կարգ (բավարար է գործատուի կողմից տրված կամ հարկային հայտարարագրի հիման վրա տրված տեղեկանքը):

Ռուսաց լեզվի, պատմության ու ՌԴ օրենսդրության իմացության թեստ հանձնելու անհրաժեշտության բացակայություն (ռուսական կրթական հաստատության դիպլոմի կամ այլ միջազգային հավաստագրի առկայության դեպքում)։

Ո՞վ դիմելու իրավունք ունի

Կացության թույլտվություն ստանալու համար դիմելու իրավունք ունեն Հայաստանի այն քաղաքացիները, որոնք որոշակի ժամանակահատվածում օրինական կերպով բնակվում են Ռուսաստանի տարածքում: Դիմորդների մեծամասնության համար այդ ժամկետն անընդհատ բնակության առնվազն վեց ամիս է՝ ժամանակավոր թույլտվության հիման վրա (ժամանակավոր կացության թույլտվության):
Բարձրակարգ մասնագետի կարգավիճակ ունեցող ՀՀ քաղաքացիները կարող են կացության թույլտվության ձևակերպման հայտ ներկայացնել՝ անկախ Ռուսաստանում իրենց գտնվելու ժամկետներից:

Փուլ 1.Փաստաթղթերի փաթեթի պատրաստում

Փուլ 2. Գրանցում՝ դիմումը ներկայացնելու համար

Միգրացիոն ծառայությունում ընդունելության համար կարող եք գրանցվել պետական ծառայությունների պորտալի միջոցով՝ https://www.gosuslugi.ru/

Փուլ 3. Դիմումի ուսումնասիրություն
Դիմումի ուսումնասիրության ժամկետը մոտավորապես վեց ամիս է։ Որոշում ընդունելուց հետո դիմողը ծանուցում է ստանում։

Փուլ 4. Պատրաստի փաստաթղթի ստացում
Պատրաստ Կացության թույլտվության ստացումն իրականացվում է անձամբ դիմողի կողմից՝ Ռուսաստանի ՆԳՆ ԳՎ բաժնում:

Ի՞նչ փաստաթղթեր են պետք

Կացության թույլտվության ձևակերպման համար Հայաստանի քաղաքացիները պետք է պատրաստեն փաստաթղթերի հետևյալ փաթեթը.

Սահմանված ձևով դիմում;

Անձը հաստատող փաստաթուղթ (Հայաստանի քաղաքացու արտասահմանյան անձնագիր);

Սահմանված ձևի բժշկական տեղեկանք, որը հաստատում է շրջապատի համար վտանգ ներկայացնող հիվանդությունների բացակայությունը;

3×4 սմ չափով լուսանկար (փայլատ, գունավոր, կամ սև-սպիտակ):

Պետական տուրքի վճարման կտրոն (ներկայում տուրքի գումարը կազմում է մոտ 5 հազար ռուբլի);

Ռուսաց լեզվի, պատմության ու Ռուսաստանի Դաշնության օրենսդրության հիմքերի իմացության վկայական (18 տարեկանից բարձր անձանց համար);

Օրինական եկամտի առկայությունը հաստատող փաստաթղթեր:

Այսօր Ռուսաստանն ու Հայաստանը կապված են ռազմավարական գործընկերային հարաբերություններով, ուստի Հայաստանի քաղաքացիները ռուսական միգրացիոն համակարգում հատուկ կարգավիճակ ունեն։

2025 թվականին Ռուսաստանի քաղաքացիություն ստանալն ավելի հեշտ է դարձել․ ավելացել են լրացուցիչ պարզեցված հիմքեր, ընդլայնվել են այն անձանց իրավունքները, ովքեր աշխատում, սովորում են Ռուսաստանում կամ կամ ազգակցական կապեր ունեն Ռուսաստանի հետ։

Ռուսաստանի Դաշնության գործող օրենսդրության համաձայն՝ օտարերկրյա քաղաքացիների համար քաղաքացիություն ստանալու երկու ուղի կա․

1.Ընդհանուր կարգ. Ժամանակավոր կացության թույլտվություն → 8 ամիս անց՝ կացության թույլտվություն → 5 տարի անց՝ քաղաքացիություն;

2.Պարզեցված կարգ. հասանելի է որոշակի հիմքերի առկայության դեպքում՝ մասնագիտությամբ աշխատանք, ազգակցական կապեր, կրթություն ՌԴ-ում։

Պարզեցված կարգ. աշխատանք մասնագիտությամբ

Եթե Հայաստանի քաղաքացին

պաշտոնապես աշխատում է Աշխատանքի նախարարության կողմից հաստատված մասնագիտությամբ;

աշխատել է առնվազն մեկ տարի;

նրա համար ապահովագրավճարներ են արվում (հաստատումը՝ ապահովագրված անձի անհատական անձնական հաշվի վիճակի մասին Ռուսաստանի կենսաթոշակային հիմնադրամի կողմից տրամադրած տեղեկանք (СЗИ-ИЛС) —

→ նա կացության թույլտվություն է ստանում առանց ժամանակավոր կացության թույլտվություն ու առանց քվոտաների, ապա՝ դիմում է ՌԴ քաղաքացիություն ստանալու համար:

ՌԴ քաղաքացի ծնողներ կամ երեխաներ;

տատիկներ, պապիկներ, նախատատեր կամ նախապապեր, ովքեր բնակվել են ՌԽՖՍՀ-ում կամ ԽՍՀՄ տարածքում (ժամանակակից ՌԴ սահմաններում) մինչև 1991 թվականը

→ դուք կարող եք կացության թույլտվություն ստանալ առանց քննությունների ու հարցազրույցների՝ ծագման հիմքով, իսկ այնուհետև անմիջապես դիմել քաղաքացիություն ստանալու համար:

Պարզեցված կարգ. բարեկամական կապեր

Եթե դուք ունեք.

Պարզեցված կարգ. կրթություն Ռուսաստանում

Եթե դուք.

ՌԴ-ում ավարտել եք միջին մասնագիտական կամ բարձրագույն ուսումնական հաստատություն;

Ռուսաստանի տարածքում դիպլոմ եք ստացել;

աշխատում եք ձեր ստացած մասնագիտությամբ —

→ դուք կարող եք ժամանակավոր կացության թույլտվության համար դիմել, ապա՝ կացության թույլտվության, այնուհետև՝ պարզեցված կարգով քաղաքացիություն ստանալու համար:

Դիմել լիազոր պետական մարմիններին: Գործընթացը սկսվում է Ռուսաստանի Դաշնային միգրացիոն ծառայություն (ԴՄԾ) կամ՝ ըստ բնակության վայրի դրա տարածքային ստորաբաժանում ներկայացված դիմումով: Այստեղ ձևակերպվում է փաստաթղթերի ներկայացումը, անցկացվում են խորհրդատվություններ ու ընդունվում են համապատասխան որոշումներ:

Սպասել իշխանությունների դրական որոշմանը: Միջինում հարցն ուսումնասիրվում է մոտավորապես տասներկու ամիս, սակայն հատուկ հիմքեր ներկայացնելու դեպքում այդ ժամանակահատվածը կարող է կրճատվել:

Ռուսաստանի Դաշնությանը հավատարմության հանդիսավոր երդում տալ: Ձեր թեկնածության հաստատումից հետո դուք կմասնակցեք հատուկ արարողությանը, որի ընթացքում պետությանը հավատարմության պարտադիր երդում կտաք:

Ռուսաստանի քաղաքացիություն ստանալու փուլերը

ՌԴ քաղաքացիություն ստանալու մասին դիմում,

Հայաստանի քաղաքացու անձնագիր,

ծննդյան վկայական,

ժամանակավոր կացության թույլտվություն,

կացության թույլտվություն,

առողջական վիճակի ու ինֆեկցիոն հիվանդությունների բացակայության մասին տեղեկանք,

պետական տուրքի վճարման կտրոն,

գրավոր հրաժարում նախկին քաղաքացիությունից:

Ռուսաստանում հիփոթեքային վարկավորումը մատչելի գործիք է դառնում ոչ միայն ռեզիդենտների, այլև՝ օտարերկրացիների համար, ովքեր ցանկանում են անշարժ գույք ձեռք բերել մեր երկրի տարածքում: Այս պրակտիկան նոր հնարավորություններ է բացում նրանց համար, ովքեր երկարաժամկետ բնակություն են նախատեսում Ռուսաստանում: Հիփոթեքը հնարավորություն է տալիս Ռուսաստանում տուն գնել՝ առանց անշարժ գույքի ամբողջ արժեքը միանգամից ունենալու անհրաժեշտության: Ռուսաստան տեղափոխվելու մտադրություն ունեցող Հայաստանի քաղաքացիներին հիփոթեքը թույլ է տալիս արագորեն սեփական տուն ձեռք բերել, գրանցոմ ունենալ՝ բարելավելով բնակության հարմարավետությունը։

Օտարերկրացիների համար հիփոթեքային ծրագրերը գործում են ռուսական հետևյալ բանկերում.

Հիփոթեքը հասանելի է կառուցվող բնակարանների, առկա անշարժ գույքի, ինչպես նաև անհատական ​​բնակելի ու ամառանոցային տների համար։

! Ռուսաստանի խոշորագույն ֆինանսական հաստատություններից մեկում՝ Սբերբանկում, օտարերկրյա քաղաքացիները կարող են հիփոթեքային վարկավորում ստանալ հատուկ ծրագրով: Հիփոթեքի արժեքը կարելի է հաշվարկել հատուկ հաշվիչի միջոցով.

Սբերբանկ/Сбербанк

ՎՏԲ/ВТБ
Ալֆա-Բանկ/Альфа-Банк

Տրանսկապիտալբանկ/Транскапиталбанк

Ֆորա-Բանկ/Фора-Банк

Վարկառուին ներկայացվող պահանջները

Անվտանգության նկատառումներից ելնելով՝ բանկերը պահանջներ են ներկայացնում բոլոր վարկառուներին, իսկ օտարերկրյա քաղաքացիների դեպքում այդ պահանջները մի փոքր ավելի բարձր են։ Բանկերի կողմից պոտենցիալ ոչ ռեզիդենտ վարկառուներին գնահատելու չափանիշների շարքում են հետևյալը պարամետրերը.

մշտական բնակություն ՌԴ տարածքում կամ ՌԴ մշտական ​​բնակության համար տեղափոխվելու մտադրություն;

երկրում բնակություն օրինական հիմքերով (ժամանակավոր կացության թույլտվություն, կացության թույլտվություն);

ռուս գործատուի մոտ առնվազն 6 ամիս պաշտոնական աշխատանք և կայուն եկամուտ;

տարիքը՝ 21 - 65 տարեկան;

կանխավճարի առկայություն (առնվազն 20%);

վճարունակություն (վարկի վճարումները չպետք է գերազանցեն ընտանիքի ամսական եկամտի 40%-ը);

դրական վարկային պատմություն, նախկին վարկերի գծով չմարված պարտքերի բացակայություն;

հարկերի ու վճարների ժամանակին վճարում:

Հիփոթեքային վարկ ստանալու համար միգրանտը պետք է ներկայացնի փաստաթղթերի հետևյալ փաթեթը.

դիմում ու անձնական տվյալներով հարցաթերթիկ;

օտարերկրյա պետության քաղաքացու անձնագիր` նոտարի կողմիցվավերացված թարգմանությամբ;

փաստաթուղթ, որը թույլ է տալիս օրինական գտնվել ՌԴ տարածքում (կացության թույլտվություն, միգրացիոն քարտ);

աշխատանքի թույլտվություն;

պաշտոնական զբաղվածությունն ուկայուն եկամուտը հաստատող փաստաթղթեր (աշխատանքային գրքույկի կամ գործատուի կողմից վավերացված աշխատանքային պայմանագրի պատճեն, եկամտային հարկի վերաբերյալ տեղեկանք (2-НДФЛ));

հանձնարարական գործատուից;

ձեռք բերված անշարժ գույքի փաստաթղթեր (կադաստրային անձնագիր, առք ու վաճառքի պայմանագիր, բնակարանային գնահատում և այլն):

1.Ֆինանսական հաստատության ու առավել շահավետ հիփոթեքային ծրագրի ընտրություն:

2.Անհրաժեշտ փաստաթղթերի հավաքում

3.Դիմում բանկ ու հայտի ներկայացում (դա կարելի է անել նաև հեռավար տարբերակով՝ վարկային կազմակերպության պաշտոնական կայքի միջոցով):

4. Հիփոթեքային վարկի հայտի վերաբերյալ որոշման սպասում:

Օտարերկրյա քաղաքացիների համար հիփոթեքային վարկի դիմումի կանոնները նույնն են, ինչ Ռուսաստանի քաղաքացիների համար։

Դրական որոշման դեպքում անհրաժեշտ է ստորագրել համապատասխան թղթերը՝ ներառյալ վարկային պայմանագիրը, կանխավճար անել սեփական խնայողությունների հաշվին: Գրանցել գործարքը (ներառյալ բանկից անշարժ գույքի վաճառողին միջոցների փոխանցումը):