Ճամփորդիր Ռուսաստանում
Ռուսաստանով ճամփորդելը եզակի հնարավորություն է՝ տեսնելու բնական գեղեցկությունների հսկայական բազմազանությունը, զգալու հարուստ պատմությունն ու յուրահատուկ մշակույթը, հանդիպելու հետաքրքիր մարդկանց:
Ռուսաստանի մակերեսը կազմում է շուրջ 17 մլն քառակուսի կիլոմետր, ինչը նրան դարձնում է աշխարհի ամենամեծ երկիրը։ Միայն պատկերացրեք. ուղևորությունը Մոսկվայում սկսելով՝ մի քանի ժամ անց կարող եք հայտնվել Մերձմոսկովյան անտառներում, իսկ մեկ օր հետո՝ կանգնել Խաղաղ օվկիանոսի ափին։ Մեկ երկրի սահմաններում դուք կտեսնեք Կալմիկիայի անապատները, Արկտիկայի հավերժական սառցածածկույթը, Արևմտյան Սիբիրի հարթավայրերը, Ալթայի ձյունածածկ լանջերն ու Սոչիի սուբտրոբիկ կլիման։ Ռուսաստանում կարող եք ձեզ փորձության ենթարկել իսկական էքստրեմալ պայմաններում։ Օրինակ՝ ձմռանն այցելեք Բայկալ, շներին լծված սահնակներ քշեք Կոմիում, բայդարկաներով իջեք տայգայի գետերով, Կազբեկ բարձրացեք կամ հիացեք հյուսիսափայլով Կոլայի թերակղզում։
Ռուսաստանով ճամփորդելը ո՛չ միայն հետաքրքիր ու ճանաչողական է, այլև հարմարավետ։ Զարգանում և կատարելագործվում է տրանսպորտային ենթակառուցվածքը, աճում զբոսաշրջային սպասարկման մակարդակը։ Ճամփորդության վերաբերյալ բոլոր անհրաժեշտ տեղեկությունները ստանալը, տոմսերն ու հյուրանոցը ամրագրելը, գիդ վարձելը հնարավոր է առցանց՝ բազմաթիվ թվային ծառայությունների շնորհիվ։
Ռուսաստանի մակերեսը կազմում է շուրջ 17 մլն քառակուսի կիլոմետր, ինչը նրան դարձնում է աշխարհի ամենամեծ երկիրը։ Միայն պատկերացրեք. ուղևորությունը Մոսկվայում սկսելով՝ մի քանի ժամ անց կարող եք հայտնվել Մերձմոսկովյան անտառներում, իսկ մեկ օր հետո՝ կանգնել Խաղաղ օվկիանոսի ափին։ Մեկ երկրի սահմաններում դուք կտեսնեք Կալմիկիայի անապատները, Արկտիկայի հավերժական սառցածածկույթը, Արևմտյան Սիբիրի հարթավայրերը, Ալթայի ձյունածածկ լանջերն ու Սոչիի սուբտրոբիկ կլիման։ Ռուսաստանում կարող եք ձեզ փորձության ենթարկել իսկական էքստրեմալ պայմաններում։ Օրինակ՝ ձմռանն այցելեք Բայկալ, շներին լծված սահնակներ քշեք Կոմիում, բայդարկաներով իջեք տայգայի գետերով, Կազբեկ բարձրացեք կամ հիացեք հյուսիսափայլով Կոլայի թերակղզում։
Ռուսաստանով ճամփորդելը ո՛չ միայն հետաքրքիր ու ճանաչողական է, այլև հարմարավետ։ Զարգանում և կատարելագործվում է տրանսպորտային ենթակառուցվածքը, աճում զբոսաշրջային սպասարկման մակարդակը։ Ճամփորդության վերաբերյալ բոլոր անհրաժեշտ տեղեկությունները ստանալը, տոմսերն ու հյուրանոցը ամրագրելը, գիդ վարձելը հնարավոր է առցանց՝ բազմաթիվ թվային ծառայությունների շնորհիվ։
Ռուսաստանի բնությունը
Ռուսաստանի բնական հարստությունները տպավորում են իրենց բազմազանությամբ, մասշտաբով և եզակիությամբ։ Ահա մի քանի հիմնական տեսարժան վայրեր, որոնք զբոսաշրջիկներն անպայման արժե այցելեն.
Բայկալ լիճ
Մոլորակի ամենախորը լիճը՝ հայտնի իր մաքուր ջրով և հարուստ ստորջրյա աշխարհով։ Շրջապատված է վեհաշուք լեռներով ու խիտ անտառներով:
Կամչատկա
Երկրի ամենահիասքանչ անկյուններից մեկն է՝ գործող հրաբուխներով, տաք աղբյուրներով և ջրվեժներով։ Կուրիլյան լիճը, Գեյզերների հովիտ ու Ուզոնի կալդերան բնության իսկական հրաշքներ են, որոնք հասանելի են զբոսաշրջիկներին:
Ալթայ
Ալթայի լեռները զարմացնում են իրենց վեհաշուք տեսարաններով, կանաչ մարգագետիններով և թափանցիկ լճերով։ Կատունի հովիտը, Տելեցկոյե լիճը և Բելուխան զբոսաշրջիկներին գրավում են տարվա բոլոր եղանակներին:
Կովկաս
Կովկասի բարձրավանդակը հայտնի է հիասքանչ տեսարաններով և ակտիվ հանգստի հնարավորություններով։ Դոմբայը, Էլբրուսն ու Սոչին սիրված հանգստավայրեր են, որոնք գրավում են լեռնադահուկորդներին ու՛ թրեքինգի սիրահարներին։
Լենա սյուներ
Այս բնական հուշարձանը գտնվում է Յակուտիայում ու բաղկացած է հսկայական, յուրահատուկ ձև ունեցող քարե սյուներից։ Կարստային երևույթի հրաշալի նմուշ է՝ ընդգրկված է ՅՈՒՆԵՍԿՕ-ի համաշխարհային ժառանգության ցանկում:
Պուտորանի սարավանդ
Աշխարհի ամենամեծ լեռնային սարավանդերից մեկը, որը գտնվում է Կրասնոյարսկի երկրամասում։ Ջրվեժները, լճերն ու անաղարտ անտառներն էկոտուրիզմի սիրահարների համար այս վայրը հրապուրիչ ուղղություն են դարձնում։
Տերիբերկա
Հեռավոր Հյուսիսում գտնվող այս փոքրիկ բնակատեղիում զբոսաշրջիկները կարող ենք ծովային թարմագույն դելիկատեսներ փորձել՝ ծովակատարներ, ծովախեցգետիններ, սաղմոն, նաև կարող են այցելել արկտիկյան լողափ, տեսնել վեհաշուք Հյուսիսային Սառուցյալ օվկիանոսն ու լուսանկարչական ապարատով «որսալ» հսկայական կետերին։
Ռուսաստանի այս բնական գանձերը տարեկան գրավում են միլիոնավոր զբոսաշրջիկների՝ ցույց տալով երկրի բնության ողջ գեղեցկությունն ու բազմազանությունը։
Պատմություն և մշակույթ
Ռուսաստանում պատմական և մշակութային տուրիզմը ճամփորդություն է դարերի միջով՝ ճարտարապետական հուշարձանների, ուղղափառ վանքերի, ինքնատիպ քաղաքների, ծանոթություն է արհեստների ներկապնակի, կենցաղի ու ավանդույթների բազմազանության հետ:
Ճամփորդության ուղղությունների օրինակներ.
Ճամփորդության ուղղությունների օրինակներ.
Ռուսաստանի ոսկե օղակ
Վլադիմիր, Սուզդալ, Յարոսլավլ, Կոստրոմա, Սերգիև Պոսադ՝ եկեղեցիներով, կրեմլերով և վանքերով պատմական քաղաքներ:
Սանկտ-Պետերբուգ
Հյուսիսային Վենետիկ: Էրմիտաժ, Պետրոպավլովյան ամրոց, Պետերգոֆ, Ցարսկոյե Սելո՝ կայսերական Ռուսաստանի մշակութային օբյեկտները:
Մոսկվա
պատմություն ունեցող մեգապոլիս: Կարմիր հրապարակ, Կրեմլ, Տրետյակովյան պատկերասրահ, Նովոդևիչի վանք՝ Ռուսաստանի մայրաքաղաքի խորհրդանշային վայրերը:
Կազան
Քուլշարիֆ մզկիթ, Կազանի կրեմլ, Ռաիֆա վանք՝ թաթարա-ռուսական մշակույթի արտացոլանք:
Արխանգելսկ ու Կարելիա
Սոլովեցի մենաստան, Կիժի, Соловецкий монастырь, Кижи, փայտե ճարտարապետության թանգարան՝ ծանոթություն փայտե և հյուսիսային ճարտարապետության հետ
Սիբիր
Տոմսկ, Տոբոլսկ, Ենիսեյսկ՝ հին սիբիրյան քաղաքների պատմական տեսքը՝ վաճառականական տներով ու ամրոցներով։
Ակտիվ հանգիստ
Լեռնադահուկային սպորտ
Դոմբայ, Կարաչայ-Չերքեզիա
Խորհրդային Միության առաջին հանգստավայրերից մեկը՝ Դոմբայը, հայտնի է իր տարբեր բարդության հրաշալի մրցուղիներով ու գեղատեսիլ լանդշաֆտներով:
Էլբրուս, Կաբարդա-Բալկարիա
Հյուսիսային Կովկասի ամենահայտնի հանգստավայրն է, որտեղ լանջերի բարձր դիրքի շնորհիվ կլոր տարի կարելի է սահել դահուկներով ու սնոուբորդով։
Շերեգեշ, Կեմերովոյի մարզ
Սիբիրի լեռնադահուկային հանգստավայր՝ փափուկ ձյունով ու սկսնակների և փորձառուների համար հրաշալի պայմաններով։
Կրասնոյա Պոլյանա, Կրասնոդարի երկրամաս
·Սոչիի Օլիմպիական օբյեկտ, որն առաջարկում է բարձրակարգ սպասարկում ու միջազգային մակարդակի պրոֆեսիոնալ մրցուղիներ:
Դայվինգ
Կարելիա
մաքուր և թափանցիկ լճերը հիանալի են սկսնակ դայվերների համար, ովքեր ցանկանում են ուսումնասիրել անտառային ջրամբարների ստորջրյա աշխարհը:
Սպիտակ ծով
Ռուսաստանյան ձմեռային դայվինգի լավագույն վայրերից մեկը, զարմացնում է ծովային բնակիչների վառ գույներով ու ջրի տակ անսովոր երևույթներով, ինչպես, օրինակ, ստորջրյա ձնաբուքերն են:
Սև ծով
Ղրիմի և Կրասնոդարի երկրամասի ստորջրյա տեսարանները հիացնում են մարջանային խութերով, խորտակված նավերով ու հարուստ ծովային ֆլորայով ու ֆաունայով:
Բայկալ
Իսկական գտածո է փորձառու դայվերների համար՝ աշխարհի ամենաթափանցիկ ջրով ու հարուստ էկոհամակարգով։
Սերֆինգ
Բալթյան ափ
Կալինինգրադի մարզը հարմար է ալիքների՝ քիչ փորձ ունեցող սիրահարների համար:
Սևծովյան ափ
Սոչին և Անապան հրաշալի պայմաններ են առաջակում թե՛ սկսնակների, թե՛ փորձառու սերֆերների համար՝ վայելելու տաք եղանակն ու գեղեցիկ ալիքները:
Հեռավոր Արևելք
Պրիմորյեն և Կամչատկան պատրաստ են լուրջ փորձություններ առաջարկել կայացած սերֆերների համար։ Օխոտսկ ծովի ալիքները բավական հզոր ու հաճախակի են, իսկ ջրի ջերմաստիճանը հիդրոկոստյումի առկայություն է պահանջում։
Ռաֆթինգ
Կարելիա
Շույա, Սունա և Կովդա գետերը գրավիչ են թե՛ սկսնակների, թե՛ փորձառու սպելեոլոգների համար։ Վայրի ժայռոտ կիրճերն ու մաքուր հոսքերը հատուկ հմայք են հաղորդում երթուղուն։
Ալթայ
Տարածաշրջանը հայտնի է Կատուն, Չույա և Բիա գետերով վայրէջքներով։ Գեղեցիկ բնապատկերները, վայրի կենդանիներն ու ադրենալինը երաշխավորվա՜ծ են:
Ուրալ
Բելայա գետով ռաֆթինգը վառ զգացողություններ ու հիասքանչ տեսարաններ կպարգևի Բաշկիրիայի լեռնային բնությունից:
Էկոլոգիական տուրիզմ
Կամչատկայի արգելոցներ
Գործող հրաբուխները, տաք ջրաղբյուրներն ու արջերի հետ հանդիպումները Կամչատկան դարձնում են էկոտուրիստների երազանքների ուղղություն:
Վալդայ ազգային պարկ
Լճերը, սոճեպատ անտառներն ու մաքուր օդը բնության գրկում անցկացրած ձեր օրերը կդարձնեն անմոռանալի:
Անդրբայկալ
Դաուրիա արգելոցում ջիպ-տուրերն ու հետիոտնային արշավները իսկական սիբիրյան տարածությունների շունչ կպարգևեն:
Երթուղիներ
Ռուսաստանը ճամփորդներին առաջարկում է ուղղությունների մեծ բազմազանություն՝ ստուգված, ենթակառուցվածքներով ապահովված, ժամանակի, բյուջեի և ուժերի հաշվարկով ընտրված։ Ահա որոշ ուղղություններ.
«Կազակական մեծ շրջան»՝ ուղի Ազատ Դոնի երկայնքով
Հետաքրքիր եռօրյա ճամփորդություն Ռոստովի մարզում, որտեղ կծանոթանաք կազակական և վաճառականական կենցաղին ու կտեսնեք, թե ինչպես կարող են ավանդույթները ներդաշնակորեն ձուլվել ժամանակակից իրականությանը:
Կիսլովոդսկի ազգային պարկ. ջրեր գնալ արիստոկրատների պես
Քայլել 19-րդ դարում կառուցված արահետներով, այցելել Նարզան հանքային ջրի աղբյուր, օգտվել ճոպանուղուց։
Արգանգելսկի Հյուսիս՝
ռուսական մշակույթի և ժողովրդական ավանդույթների արգելոց, պոմոր-ծովագնացների ու ուղղափառ ճգնավորների երկիր։ Ազգային զբոսաշրջային այս ուղին ձեզ կտանի ուղիղ դեպի Սպիտակ ծովի սիրտը, որտեղ՝ Հյուսիսային բևեռային շրջանից 165 կմ հեռու, տարածվել է Ռուսաստանի սուրբ հողը՝ Սոլովեցկի կղզեխումբը։ Ավելի քան հազարամյա պատմությամբ և անաղարտ բնությամբ այս վայրը հոգևոր զղջման ու վերածննդի տեղ է:
Կարաչայ-Չերքեզիան
Հնագույն ժամանակներից Կարաչայ-Չերքեզիան տարբեր մշակույթների ու ժողովուրդների խաչմերուկ է եղել՝ նարտեր, կիմերներ, սկյութներ, հոներ, ալաններ, բուլղարներ, խազարներ։ Նրանք իրենց հետքն են թողել դյուցազներգություններում ու լեգենդներում, ավերավայրերում, տաճարներում ու ամրոցներում։ Ազգային զբոսաշրջային երթուղին կանցկացնի հին քաղաքակրթությունների ուղիներով ու հնարավորություն կտա դիպչել ժողովուրդների պատմական ժառանգությանը։
Օգտակար է
